Finding Carla: The Story That Changed Aviation Search & Rescue

Noong Marso 1967, lumipad ang isang Cessna 195 mula Oregon patungong San Francisco na may sakay na pamilyang tatlo: si Alvin Oien, Sr. (ang piloto), ang kaniyang asawang si Phyllis, at step-daughter na si Carla Corbus. Dahil sa panahong mas masama kaysa sa prediksiyon, bumagsak ito sa Trinity Mountains ng California, walong milya lamang mula sa highway at sa ilalim ng abalang commercial airway. Nangyari ito bago naging kinakailangang equipment sa mga eroplano ang radio-beacon type emergency locator; nakaligtas ang pamilya sa crash nang halos dalawang buwan ngunit dahil sa baku-bakong terrain at sa katotohanang napakalayo nila sa nilalayong course, imposibleng makita sila mula sa himpapawid. Natukoy din ng mga searcher na dahil sa panahon sa kabundukan, imposibleng mabuhay roon matapos lumipas ang ilang panahon.

Pagkalipas ng kalahating taon, ikinagulat ng bansa ang pagkakatuklas sa wreck ng mga hunter. Ipinaliwanag ng isang diary at serye ng mga liham mula sa mga survivor ang kanilang kalagayan. Kasama sa kuwento ang mga dokumentong ito ng pamilya Oien, pati mga larawan ng pamilya at mula sa search.

Nag-udyok ang trahedyang ito ng political action tungo sa mandatory na Emergency Locator Transmitter (ELT) na dinadala sakay ng lahat ng U.S. civil aircraft. Nakapagligtas na ang mga ELT radio ng libu-libong buhay mula nang gawing mandatory ang mga ito, at patuloy na bumubuti ang kanilang technology at nakatutulong upang makahanap ng mas maraming nawawalang tao. Hindi na kailanman lilipad ang mga pilotong makababasa ng kuwentong ito nang walang flight plan, survival gear, o gumaganang ELT. Sa aviation, sinasabi naming ang mga regulation ay “isinulat sa dugo.” Ang makabagbag-damdaming kuwentong ito ang dugo sa likod ng mga ELT regulation.

Bagaman tunay na trahedya, may mas maliwanag na bahagi ang legacy ng pamilya Oien: Direktang humantong ang kanilang kuwento sa epektibong batas na ito tungkol sa mga requirement para sa mga airplane locator na mula noon ay nagligtas na ng napakaraming buhay sa mga search-and-rescue operation. Isinasalaysay na ngayon sa unang pagkakataon ang kanilang buong kuwento—ibinubunyag dito ang “Carla Corbus Diary” kasama ang mga liham ng pamilyang kalakip nito, na hindi kailanman nailathala nang buo.